Կանադացիները հոտավետ պատառաքաղ են թողարկում

Կանադական կազմակերպությունը մշակել է սկզբունքայնորեն նոր պատառաքաղ, որն այժմ ո՛չ միայն սեղանի պարագա է, այլ նաեւ հոտ է արձակում: Պատառաքաղը կոչվում է Aromafork եւ հատուկ նյութ է պարունակում, որը նրա մեջ լցնում են հատուկ կաթոցիկի օգնությամբ:

Այժմ հասանելի է նյութի 21 տարբերակ: Հավաքածուի մեջ ընդգրկված են վանիլի, ելակի, նուշի, շոկոլադի, զեյթունի ձեթի, ռեհանի, անանուխի, կոճապղպեղի, վասաբիի, դդմի եւ այլ բուրմունքներ, հաղորդում է «ԵվրոՍՄԻ»-ն:

Երբ պատառաքաղի տերը սկսում է ուտել, նյութ է առանձնանում, որը յուրահատուկ բույր է տարածում: Հատուկ ֆիլտրը թուլ չի տալիս դրան հայտնվել ափսեում: Պատառաքաղը ստեղծել են համեղ ուտելիքի սիրահարների համար, որպեսզի նրանք կարողանան գնահատել համի եւ հոտի յուրահատուկ համադրությունները՝ միաժամանակ պահպանելով սնվելու սովորական կարգը: 4 պատառաքաղից ու ֆիլտրից կազմված հավաքածուի արժեքը կազմում է 60 դոլար:

Հարցեր, պատասխաններ, մեկնաբանություններ